HOSTAN 250 mg - ហូស្តង់ ២៥០ មក្រ ( Mefenamic )

HOSTAN 250 mg 
ហូស្តង់   ២៥០ មក្រ

I. រូបភាពឱសថ 

• ជាឱសថប្រភេទកាប់ស៊ុលសម្រាប់លេប
• ១​ប្រអប់មាន​ ១០ បន្ទះ ១ បន្ទះមាន ១០ គ្រាប់

II. សមាសធាតុផ្សំ ៖ ក្នុង ១ គ្រាប់មាន

•  Mefenamic acide .........................250 mg

III. គុណភាពព្យាបាល ៖

•  ជាឱសថស្ថិតនៅក្នុងក្រុម NSAID
•  ជាឱសថដែលមានប្រសិទ្ធភាព បំបាត់ការឈឺចាប់ បំបាត់រលាក និង បញ្ចុះកម្ដៅ
•  ឱសថនេះប្រើដើម្បីកាត់បន្ថយការឈឺចាប់តិចតួច មធ្យមដូចជា​ ការឈឺក្បាល ឈឺធ្មេញ ការឈឺចាប់ក្រោយការវះកាត់ និងការឈឺចាប់ក្រោយពេលសំរាលកូន ការឈឺចាប់សន្លាក់ឆ្អឹង និង ជម្ងឺរលាកសន្លាក់ជាច្រើន។

IV. ហាមប្រើ

•  ចំពោះអ្នកជម្ងឺដែលមានដំបៅក្រពះពោះវៀន
• ចំពោះអ្នកជម្ងឺដែលងាយមានប្រត្តិកម្មជាមួយឱសថនេះ ឬឱសថ Aspirin និងពួកឱសថ NSAID ផ្សេងទៀត។

V.ការប្រុងប្រយ័ត្ន

•  នៅពេលប្រើប្រាស់ឱសថនេះ អាចបណ្ដាលឲ្យកើតមានឡើយនូវគ្រោះថ្នាក់ចំពោះក្រពះពោះវៀនធ្ងន់ធ្ងរដូចជា៖ ដំបៅ ធ្លាយ ឬ មានការហូរឈាម។
•  ចំពោះអ្នកជម្ងឺដែលប្រើពួកឱសថ NSAID ក្នុងការព្យាបាលជម្ងឺអាចបណ្ដាលឲ្យមានបញ្ហាចំពោះផ្នែកខាងលើនៃកក្រពះ ពោះវៀន ( ឧ.ពិបាកលេបអាហារ)
•  ត្រូូវប្រើដោយមានការប្រុងប្រយ័ត្នចំពោះអ្នកមានមុខងារខ្សោយតម្រងនោម និង ថ្លើម
•  ឱសថនេះធ្វើឲ្យកើនប្រសិទ្ធភាពប្រឆាំងឈាមកករបស់ឱសថ  Coumarin
•  ឱសថនេះត្រូវប្រើដោយប្រុងប្រយ័ត្នចំពោះអ្នកជម្ងឺមានវ័យចំណាស់​ព្រោះអាចបណ្ដាលឲ្យមានការបាត់បង់ជាតិទឺកនៅក្នុងខ្លួន និង កើតជម្ងឺនៅតម្រងនោម។
• ត្រូវបញ្ឍប់ប្រើឱសថនេះនៅពេលមានកើតឡើងនូវរោគសញ្ញា ៖ រាគ ឬ ស្បែកឡើងកន្ទួលក្រហម
•  នៅពេលប្រើឱសថនេះ​ អាចធ្វើឲ្យសួតរួមតូចចំពោះអ្នកជម្ងឺដែលមានប្រវត្តិកើតមានជម្ងឺហឺត ឬ ជម្ងឺអាលឺហ្ស៊ី
•  ឱសថនេះត្រូវលេបក្រោយ ឬ ក្នុងពេលបរិភោគអាហារ ឬ រួមផ្សំជាមួយឱសថទប់ស្កាត់ជាតិអាស៊ីត​ ( antacide ) ដើម្បីការពារកុំឲ្យរលាកក្រពះពោះវៀន

•  ហាមប្រើឱសថនេះលើសពី ៧ ថ្ងៃ
• ឱសថនេះអាចបណ្ដាលឲ្យមានភាពងងុយ ចំពោះចំពោះអ្នកជម្ងឺមួយចំនួន ។ ដូចនេះនៅពេលប្រើឱសថនេះជៀសវាងប្រើភេសជ្ជះដែលមានជាតិអាកុល ( alcohol ) ព្រោះវាអាចកើននូវភាពងងុយ។
•  ចំពោះស្ត្រីមានផ្ទៃពោះ ស្ត្រីបំបៅដោះកូន និង កុមារក្រោមអាយុ ១៤ ឆ្នាំ មុនប្រើឱសថនេះត្រូវពិគ្រោះជាមួួគ្រូពេទ្យ។

VI.ការប្រើលើសកម្រិត

• បណ្ដាលឲ្យ ក្អួតចង្អោ រាគមានឈាម សភាពងងុយ ធីធោង ឈឺក្បាល សភាពញាក់ ឬកន្ទ្រាក់ខ្លាំងៗ ប្រកាច់ សន្លប់ ស្បែកឡើងកន្ទួលក្រហម និង ខ្វះឈាមក្រហមដោយសារបែកគ្រាប់ឈាមក្រហម។
• ការព្យាបាល ៖ ត្រូវបញ្ជូនអ្នកជម្ងឺទៅកាន់មន្ទីរពេទ្យដើម្បីសង្គ្រោះបន្ទាន់។

VII.កម្រិតដែលត្រូវប្រើ

• មនុស្សពេញវ័យ

👨 ដំបូងប្រើ ៥០០ មក្រ ម្ដង
👨 បន្តាប់មកប្រើ ២៥០ មក្រ រៀងរាល់ ៦ ម៉ោងម្ដង
VIII. ចំណាំនេះជាផលិតផលរបស់ HOVID Bhd 
                                         121,Jalan Tunku Abdul Raham,30010 Ipoh,Malasia.